Program 2019

9. mars, 2019admin

Årets program er klart og du kan finna informasjon om møte og arrangement her.

Register – Smeltedigelen

28. januar, 2019admin

For dei som er interessert i lokalhistorie kan det vera kjekt å veta om at registeret til Smeltedigelen nå er digitalisert. Du kan søkja i det ved å følgja instruksar her:

https://sauda-sogelag.no/generalregister-smeltedigelen/

Jubileumsmøte på Sauda Fjordhotell

20. januar, 201922. januar, 2019admin

Torsdag i neste veke inviterer Sauda sogelag til jubileumsmøte på Sauda Fjordhotell. Då er det på dagen førti år sidan laget blei stifta. 31. januar i 1979 heldt Arnvid Lillehammer foredrag om mellomalderkyrkjegarden og stavkyrkja i Ytrabygda. Han sa at kyrkjegarden der var Sauda sitt viktigaste kulturminne. Skipingsmøtet fann stad i kapellet i Saudasjøen.

Og no kjem Arnvid Lillehammer nok ein gong til sogelaget og Ytrabygda, denne gongen til fjordhotellet. «Sju kvinneportrett – 300 års bygdehistorie» har han sett som overskrift denne gongen. Ingen saudabu kan meir om lokalhistoria vår enn Arnvid, det er udiskutabelt, og vi gler oss til å høyre kva han har på hjartet.

Så blir det litt underhaldning og allsong, men ikkje sogelagsmat denne gongen, for no blir det servert «fjordhotellmat». Så her er det mykje å glede seg til.

Møtet denne gongen er berre for medlemmane i det jubilerande Sauda sogelag. Ver velkomne.

Dato: Torsdag 31. januar
Tid: Kl 19:00
Stad: Sauda Fjordhotell

Berre for medlemmar

Fri adgang