Rådhusgata 22

gnr 28 / bnr 107

Byggjeår: 1985 (erstatta bygg frå 1930)

Bruk: Fargehandel (tidlegare bygg var klesforretning)

Sauda Fargehandel ved Jostein Aartun sette opp nytt forretningsbygg på Brita Hereim sin tidlegare eigedom. Erik B. Johnsen som hadde drive herreekviperingsforretning i Brita Hereim sitt hus sidan 1946, hadde avvikla og pensjonert seg i 1984.

Det var ingeniørfirmaet Stødle A/S, ved Harald Stødle, som planla og teikna det nye fargehandelbygget. Grunnarbeidet tok Brødrene Selvik A/S seg av. Råbygget vart oppført av Einar M. Gaard A/S. Fargehandelen opptar to etasjar og kjellaren. Etter flyttinga er varespekteret blitt utvida. Dagleg leiar er Jan Erik Aartun, son til Martha og Jostein Aartun.

Kjelde: Tre gater på Øyra

---