Varelageret

Varelageret var EFP sin eigedom frå det vart bygd som kolonialbutikk alt i 1919. Det heitte i konsesjonskrava at selskapet skulle skaffa «lokale for kooperativ eller anden handelsvirksomhet og lignenende». EFP dreiv forretninga til 1928, då ho blei overtatt og drive vidare av to av handelsbetjentane. Seinare vart namnet på forretninga endra til Grand Kolonial. Her var det både mjølkeutsal og eit kjøle- og fryselager. Butikken stengde dørene for godt i 1996.

Frå venstre: Olena Hølland, Johannes Rasmussen, Olaug Rasmussen og Bjarne Dybdal Holthe bak disken på kolonialen.

Bygget husa også EFP sitt brannvern fram til 1968. Andre etasje og loftet blei brukt til leilegheiter. Her var det også plass til Åbøbyens bibliotek, eigd av fabrikken, frå 1931 til 1969. Frå 1933 til 1936 heldt ein privat middelskule for funksjonærbarn til i bygget.

Åbødalsveien 30-32 husa både kolonialforretning, Åbøbyens bibliotek, leilegheiter og EFP sitt brannvern. Her er brannkorpset stilt opp til fotografering i 1950.


Bli kjend med Åbøbyen

Det er sett opp 15 skilt i Åbøbyen. Klikk på punkta under for å lesa meir:

  1. Åbøbyen
  2. Idrettsbanen
  3. Haakonsgate 51-53
  4. Wergelandsveien
  5. Gardshusa
  6. Varelageret
  7. Sauda Klubb
  8. Tennisbanen
  9. Arkitekturen
  10. Fløgstad skule
  11. Sjukehuset
  12. Hagebyen
  13. Strømhuset
  14. Sneaths park
  15. Byanlegget