Møte som skulle vore tysdag 2. september må diverre avlysast.
Tittelen på møtet var «Framtidas bruk av Sauda III i møte med ny industri»
ved Vilde Lien Lunde, Guro Fløgstad Håvik, Madeleine Haaland.
For dei som er interesserte kan de lesa om prosjektet her: https://www.aho.no/om/nyheter/aktuelt/hestehandel-om-vekst-og-vern-i-sauda.html
Onsdag 14. mai inviterer Sauda sogelag til avduking av to skilt på Øyra.
Frammøte ved «varden» utanfor Folkets Hus kl. 17.00. Etter avdukinga vert det eit lite
arrangement med underhaldning, kaffi, vafler og drøs i Folkets Hus.
Vel møtt!
Rogaland historielag er i år arrangør av Landsmøtet til Landslaget for Lokalhistorie i Stavanger i slutten av mai. I den samanheng har Landslaget sitt magasin gitt ut eit nummer dedikert til landsmøtet, Stavanger og Rogaland. Dette kan være interessant lesnad også for medlemmene i sogelaget.
Reiste ein eller fleire av forfedrene dine til Amerika på slutten av 1800-talet/byrjinga av 1900-talet? Sogelaget har nå publisert ei liste over folk som utvandra frå Sauda før 1920.
Lista viser saudabuane som reiste til Amerika før 1920. Dei fleste av dagens saudabuar har slektningar som drog over Atlanteren, derfor er det fint om så mange som mogeleg kontrollerer at namna på slektningane deira er komne med på lista, og at dei opplysningane som står der, er rette.
