Sauda sogelag tar sommarferie og er tilbake for fullt i september. I mellomtida kan du få kulturhistorisk påfyll ved å ta beina fatt og vandra rundt i nærmiljøet vårt. Under er forslag til tre turar med kart og meir info (klikk på lenkene lengst ned i teksten).
God sommar – og god tur!
Meir info om turane her:
1. mai starta stolpejakta i Sauda, og mange av dykk er kanskje godt i gang med å «sanka» stolpar. Kva med å kombinera stolpejakt med kulturhistorie? Du kan til dømes følgja skiltløypa i Åbøbyen, studera dei blå skilta i sentrum eller besøka krigsminne i Saudasjøen – OG registrera stolpar undervegs 😀
God tur!
Meir info om turane her:
Det siste året har Sneaths park gått gjennom ein forvandling – frå slitt og falma – til «ny» og flott, mest slik den såg ut då den var heilt ny for rundt hundre år sidan. Det er Åbøbyens venner som står bak prosjektet. Laurdag 4. juni kl 11 blir det opning av den nyrestaurerte parken.
| Innlegg: Kirsten Hellerdal Fosstveit Bannergruppa | Kulturelle innslag: Sauda Revy- og teaterlag Sauda Kulturskule Sauda Trekkspillklubb Servering av kaffi, kake, juice og is |
Ber om at bilen står igjen heime denne dagen. Dersom du må køyra, ver snill og parkér ved Sauda v.g. skule eller Veslefrikk barnehage
For 71 år sidan, den 12. juni 1951, vart det invitert til høgtideleg seremoni i parken. Då skulle ein avduka bysten av Mr. Sneath. Bedriftsavisa Smeltedigelen skreiv om arrangementet.
Artikkelen kan òg lesast i årsskriftet for 2018.
Nytt opplag av boka om Åbøbyen er kome. Boka er til sals hos Sauda Libris eller ved å kontakte Roar Lund på telefon 95032183 eller e-post roar-lun@online.no eller ved å fylla ut bestillingsskjema (trykk på knappen under).
Åbø, bøane mellom elvane var bondelandet som blei by. Då driftige kraftspekulantar kring 1915 slo seg saman med amerikansk storindustri og slukte både fossefall, hamna der Søndenå rann ut og flatene ved Klubben, trong dei enda meir plass og armslag. For Stortinget hadde sett klåre vilkår for at Saudefaldene og Electric Furnace Company Ltd skulle få sette dei storindustrielle planane ut i livet. Selskapa var plikta til «å skaffe arbeiderne sundt og forsvarlig husrum». Det skulle bli ein «bymessig bebyggelse». Og etter kvert kom det som gjerne høyrer til i ein «by»: regulerte gater, parkanlegg, skule, sjukehus, bibliotek, forsamlingshus, idrettsanlegg og EFP sin eigen kolonialbutikk, Varelageret.
Forsamlingshuset var for funksjonærane. I Sauda klubb møttest dei som var «eigna» til det. Dei time løna møttest utanfor villabyen, på Folkets Hus. Arbeidsfolk flokka seg ikkje kring tennisbanen. Dei hadde sitt eige idrettslag, Sauda Arbeideridrettslag.
Ein gong visste dei som budde i Åbøbyen kor dei høyrde til i det sosiale hierarkiet. No er det meste av spora etter det institusjonaliserte klasseskiljet i Sauda borte.
Åbøbyen er eit pulserande, levande museum. Sjølv om hagebyen speglar industrihistoria i Sauda, er han også i stadig endring. Det er ikkje lenger ein funksjonær på smelteverket som bestemmer kven som skal få tapet på veggane og kven som må klare seg med måling. Inga Byavdeling klippar hekkar og målar hus for bebuarane.
No er det Åbøbyens vener som jobbar for å føre Parken tilbake til det han ein gong var – eit vakkert grøn lunge til glede for alle i bydelen. Ein venegjeng vil redde Sauda Klubb – foreininga som heldt til der er blitt historie. Varelageret er ein sosial møtestad. Og Åbøbyens bibliotek i etasjen over har for lengst levert boksamlinga si til det kommunale biblioteket. Tennisbanane er ubrukelege. Sauda Arbeideridrettslag og Sauda idrettslag la ned stridsøksa i 1939. Idrettslaget er for alle.
Sauda sogelag har gitt ut årsskrift kvart år sidan 1981. I dette skriftet har vi samla og redigert nokre av dei artiklane som har handla om Åbøbyen.
Redaktør Roar Lund
Berre Kirsten Hellerdal Fosstveit sin artikkel om Sauda Klubb er ny. Ein stor takk til alle artikkelforfattarane, og ein spesiell takk til Kirsten for god hjelp til å finne eigna biletmateriale.
Boka er i sal hos Sauda Bok & IT. Pris 200 kr.
Du kan også bestilla boka ved å senda epost til sauda.sogelag@gmail.com eller ved å fylla ut skjema (klikk på knappen under):
