Saudahesten i sogelaget

Tysdag rettar Sauda sogelag det lokalhistoriske lyset mot arbeidshesten i lokalsamfunnet vårt. Sogelaget inviterer til «hestamøte» i kantina på Sauda vidaregåande skule. Sjølv om ingen hestar slepp inn, kjem fleire av dei som har arbeidd saman med hestar i skog og mark, i arbeid og fritid i ei tid før alt det støyande, motordrivne pressa den trufaste firbeinte arbeidskameraten til sides.

Arbeidslivet ropar ikkje lenger etter levande  hestekrefter, men heldigvis finst her framleis folk som hegnar om hestetradisjonen i Sauda. Ei ny tid har gitt både «hestafolket» og hestane nye oppgåver. Dei har mangt å fortelje, vil det heilt sikkert vise seg. Og så har dei lova å vise fram både bilete og hesteutstyr.

Lars Olav Fatland har lova å halde i taumane denne kvelden. Han har sjølv erfaring med hest og veit godt når både hest og møtelyd treng kvile og sogelagsmat. Og nei, det blir ikkje servert havre, men rekn med at «Fola, fola Blakken» står på den eine sida av songarket.

Ver velkomne

Roar Lund

Lagsmøte tysdag 19.april 2016 kl 19.00 på Eldresenteret.

Selvig selde klede frå forretninga i Skulegata frå 1939 til 2015. Same året flytta Vetti og hans mangfaldige butikk inn forretningslokala i Rådhusgata. Familien Vetti selde skoty, manufakturvarer og kolonial fram til nye eigarar overtok i 1976.

Tysdag høyrde me historia til dei to «handelshusa» Vetti og Selvig i Sauda. Brørne Steinar og Alf Selvig kan familie- og forretningshistoria frå då bestefaren, Alf Selvig, kom frå Stavanger og starta firmaet i 1933.

Om historia til sogningane, brørne Vetti og deira forretningsdrift, kunne Sigmund Andersen fortelja litt av kvart. Han har slektsband til familien Vetti. Liv Øygard fortalde om korleis det var å jobbe i ein butikk som selde alt frå knappar via treskor til gaudaost. Ho stod bak disken frå 1951 til 1953 og hugsar det som ei kjekk og travel tid hos «utruleg snille folk».